Dregið er smásaman úr æfingum og æfingarálagi í hlutfalli við æfingamagn og álag síðustu vikna og mánaða.

"Í dag er ég í besta mögulega hlaupaforminu sem ég get verið í fyrir Laugaveginn næstu helgi."

Besti undirbúningur minn síðustu vikuna er að ná allri þreytu úr líkamanum.

Ég læt ekki blekkjast þó hugurinn eða líkaminn segi mér að ég þurfi að hlaupa, megi ekki missa úr æfingu og ég geti enn bætt við formið. Algengasta líðan þegar dregið er úr æfingum er slen, þreyta, vilt sofa lengur ofl. Sumum finnst þeir ekkert hafa að gera, fyllast eldmóð og fara að hamst í einhverjum verkefnum.

Láttu það ekki eftir þér. Slakaðu á , hvíldu þig og undirbúðu þig andlega fyrir hlaupið, sjáðu hlaupið fyrir þér í huganum, þig að ná markmiðinu þínu með glans. Settu upp tímaplan, ákveddu vökvainntöku, klæðnað ofl.